Google ADS

Vulin: Pendarovski të hesht në gjuhën që nuk ia njeh askush përveç Serbisë

12:48 | 16 Maj 2020
Arbresh.info

Se si do ta zgjidhë Serbia problemin me Kosovën, do të vendoset nga Serbia, ndërsa (presidentin e Maqedonisë së Veriut) Pendarovskin as nuk e ka pyetur askush, as nuk i ka kërkuar mendim, deklaroi për “REL” ministri i mbrojtjes së Serbisë, Aleksandar Vulin.

Ai reagoi ndaj deklaratës së Pendarovskit i cili më herët deklaroi se është kundër idesë për të korrigjuar kufijtë midis Beogradit dhe Prishtinës.

Vulin vlerëson se Pendarovskin në Maqedoni pak kush e pyetën për ndonjë gjë, e aq më pak për atë që mendon për çështjet në vendet fqinje.

“Presidenti i Maqedonisë së Veriut mund të heshtë lirisht në një gjuhë që askush përveç Serbisë nuk e njeh, ndërsa në gjuhë të tjera ai mund të jetë edhe më i fortë në heshtje sepse askush nuk po kërkon ose nuk e pranon mendimin e tij”, tha Vulin.

Shpërndaje në rrjete sociale

Lajmet më të lexuara

Të ngjashme

Foto lajm